تقارير من زيارة فرنسا

انا انس ابوهلال بدي احكي عن الرحلة و التجربة الي خضتها مع دار الصداقة كامدن ابوديس الي انا عضو فيها الرحلة بدأت من اول ما طلعنا في الطيارة وصلنا فرنسا كان شعور حلو انو الواحد غير جو و نزل بدولة اوروبية زي فرنسا هاد اشي حلو طبعا كان كل اشي يعني تقريبا حلو و شفنا كثير شغلات كان نفسي اشوفها و تفاجئة بجمالها بس انا ما عجبني شغلة وحدة في فرنسا انو دولة زي هاي من الدول الكبيرة مش مهتمة بالنظام و النظافة يعني انا من طلعتي على لندن شفت فرق كبير بين لندن و باريس في النظام و النظافة مع انها فرنسا من الدول السياحية القوية .. بس بشكل عام كانت تجربة حلوة و تعرفنا ع جروب من لندن و تواصلنا معهم و طورنا لغتنا الانجليزية و كمان تعرفنا ع جروب فرنسي اكثر من رائع استقبلونا عندهم و سوينا معهم كثير من الفعاليات الي بتتعلق بحقوق الانسان اطلعناهم على مشاكل بتواجه الشباب الفلسطيني وتعرفنا على المشاكل الي بتواجه الشباب الاوروبي من عنصرية وصعوبة بالحياة وبالنهاية كانت تجربة رائعة و بتمنى تنعاد هاي التجربة مع هاي المؤسسة و للاسف ما راح اقدر اكون في البلد لما يجو عنا الجروب الفرنسي او البريطاني عشان بتعلم في مصر بس ان شاء الله راح احاول اساعد في اي اشي بطلع في ايدي عشان مصلحة المشروع ان شاء الله.

يوم السبت ٧/١٠ توجهنا مع اصدقائنا الفرنسيين الى باريس لرؤية برج ايفل واخذنا صور تذكارية وبعدها تشاركنا وجبة الغداء مع اصدقائنا الفرنسيين في منطقة البرج وعند الانتهاء من الغداء انطلقنا في رحلة على قارب عبر نهر السين لرؤية باريس عن قرب وبعد الانتهاء من الجولة انطلقنا الى طريق الشانزلزيه الذي يوجد به قوس النصر